Rigoni është një ndër erëzat më të përdorura në kuzhinën mbarë botërore i njohur që në kohët më të hershme. Rigoni në saj të shijes së tij mund të përdoret thuajse kudo, në qofte, mishra të pjekur e të skuqur, në sallame, në kukurece, pica e bukë, në vezë, sallata të ndryshme, prodhime bylmeti (djathra të ndryshëm), patate të skuqura, në salca, në gjellë të ndryshme etj. Rigoni në saj të vlerave mjekësore mund të përdoret dhe si një çaj kurativ pasi ndihmon në rregullimin e frymëmarrjes e mjekimin ndaj kollës së bardhë.