Përbërja: Eukalipt, timus vulgaris, angjinar, rrënjë sanzi, qumështore, bar blete, lule bliri, lule murrizi etj.

Vetitë kuruese: Për të lënë duhanin është vërtetuar se duhen lehtësuar dhe shëruar fillimisht simptomat specifike të krizës së mungesës së duhanit siç janë çrregullimet e metabolizmit, të tretjes etj. Kjo përzierje përmban bimë mjekësore që përfaqësojnë tre grupe të ndryshme principesh aktive. të cilat kanë edhe efektet kuruese përkatëse ndaj personave duhanpirës, që u është mbushur mendja të lënë duhanin. Bari i bletës dhe murrizi veprojnë ndjeshëm kundër ankthit si dhe janë nxitës të fuqishëm të organizmit. Qumështorja, sanzi dhe angjinarja përmbajnë një bashkësi principesh akive që mbrojnë mëlçinë e zezë dhe veshkat, pasi ulin kolesterolin dhe shtojnë lëngun e tëmthit, gjë që i bën tretës të mirë dhe diuretikë. Timusi, eukalipti dhe lulja blirit bëjnë pjesë në grupimin e tretë me rol balsamik dhe jargëzues. Krahas vullnetit të domosdoshëm, të lësh duhanin bëhet me e lehtë me një çaj të tillë.

Përgatitja: Masa e një gjysëm luge çaji me përzierje hidhet në një filxhan ku shtohet ujë i valuar. Mbulohet dhe lihet të pushojë nga 5-10 minuta. Kullohet dhe pihet i ngrohtë ose i ftohtë sipas dëshirës. Merren 3-4 doza të tilla në ditë.